卢颂恩 Aiyana Lo

影人资料

盧頌恩中學時期讀嘉諾撒聖家書院，香港理工大學市場營銷及公共關係文學士學位畢業。中學時期得到模特兒公司Jamcast賞識，成為旗下模特兒，曾經接拍唔同雜誌同參與多個廣告及電視節目拍攝。2009年拍攝由陳志雲同森美主持嘅無綫J2開台節目《十人巷》，以龜仙人做參賽名，比賽需接受幾個月密集式演藝訓練，從此開始接觸電視圈。2010年俾有線電視**台請咗，擔任**世界盃足球評述員，此後開始評述不同類型聯賽同盃賽，包括奧運足球項目、歐洲聯賽冠軍盃、德國甲組職業聯賽、澳洲職業聯賽及俄羅斯超級聯賽等等。2011年經朋友介紹下參與新城電台長壽Phone-in節目《新香蕉俱樂部》，最初只負責部份環節，亦係以嘉賓主持形式伙拍杜浚斌（Ben）、林盛斌（Bob），范振鋒（Ricky）開咪學師達九個月。2012年正式簽約新城電台成為DJ，參與不同類型節目。2013年除有線**台外，亦開始參與娛樂台嘅玄學及旅遊等娛樂節目。試過一年出動十幾次去世界唔同地方拍旅遊節目。